Dream town

რამდენიმე ხნის წინ ერთ ჩემს მეგობართან ვდისკუსიობდით თბილისის განვითარების პერსპექტივაზე. წიპა, როგორ და რა მიმართულებით უნდა განვითარდეს ქალაქი, რომ მაქსიმალურად გამოვიყენოთ ის პოტენციალი, რაც არსებობს. ამაზე, იასნია, ორივეს საკუთარი იდეები გაგავაჩნდა და საბოლოო ჯამში კომპრომისამდე მივედით.

ჩემის ღრმა რწმენით, საქართველოში აუცილებელია მარიხუანის და პროსტიტუციის ლეგალიზება, რაც თბილისს გადააქცევს მეორე ამსტერდამად. ეხლა რატოა ეს კარგი: სერიოზული ფინანსური სახსრები ბიუჯეტში მოგვცემს საშუალებას, რომ საჭირო თანხები მიიმართოს სოციალური, ეკონომიკური და სამხედრო საკითხებისათვის. საქართველოს გეორგაფიული მდგომარეობა საშუალებას იძლევა, რომ ძალიან ბევრი ტურისტი მივიღოთ წლის განმავლობაში, რაც თავისთავად ცოცხალ ფარს ნიშნავს 24/7 (მარტო ეგ არაა საკმარისი, რუსების გადამკიდე, იასნია, მარა ტრუბებთან და ავტობანთან ერთად საკაიფო კომბინაცია გამოდის). სახელმწიფომ რომ სრულად უნდა აკონტროლოს მარიხუანის პროდუქცია/გაყიდვა, მაგაზე ბაზარი არ არის. არანაირი კერძო ბიზნესები საწყის ეტაპზე ამ დარგში. ბიზნესმენები ჩაეხუტონ პროსტიტუციას. თავიდან ეყოფათ და რაღაც პერიოდის მერე სახელმწიფოს ექნება იმის საშუალება, რომ მარიხუანაც გადაამისამართოს კერძო სექტორზე და გადასახადები ახდევინოს.

ეხლა რაც შეეხება თბილისს:

ძველი თბილისი უნდა გადაკეთდეს მთლიანად ტურისტულ ზონად. არანაირი მანქანები, არანაირი კლუბები, არანაირი რესტორნები (ქართული გაგებით). უნდა დაიტვირთოს “პურპურის” ტიპის კაფეებით, ბაღებით, სასეირნო ადგილებით და coffee shop-ებით. ამჟამინდელი იერსახე უნდა შენარჩუნდეს მაქსიმალურად (თავისთავად, იგულისხმება საჭირო დეკორაციების და სარესტავრაციო სამუშაოების გაკეთება) იმიტომ, რომ მაგარი ეშხი აქვს და უცხოელებში მაგარი პოპულარულია.

შარდენი უნდა დარჩეს ისე, როგორც არის.

რუსთაველი და ჭავჭავაძე უნდა გახდეს შოპინგ-სტრიტი. თან საკაიფოდ უნდა გაკეთდეს, რომ ვაკის პარკიდან თავისუფლებამდე ჯიგრულად ჩატასავდე და გზაში არმანის, გუჩის და ვუტონის მაღაზიებში შეისეირნო. რამდენიმე ლამაზი კაფეც მოუხდება სიტუაციას.

დანარჩენი ვაკე და საბურთალო უნდა გადაკეთდეს ელიტარულ ბიზნეს-უბნად (მანჰეტენის სტილში). ბიზნეს-ცენტრები, სერიოზული კომპანიების ოფისები და ა. შ.

მცირე კულტურული დაწესებულებები (წიპა თეატრები, ჯაზ-კლუბები და ა. შ.) უნდა გადავიდეს მაქსიმალურად ტურისტულ უბნებში (ძველ თბილისში, მაგალითად).

ქალაქიდან უნდა მოშორდეს ყველა სამთავრობო დაწესებულება და გადავიდეს ქუთაისში (მათ შორის პრეზიდენტის რეზიდენციაც. არსებულის ადგილზე რამე საინტერესოს მოფიქრება შეიძლება). ერთი მერია უნდა დარჩეს და დაუბრუნდეს თავის ძველ შენობას იმიტომ, რომ იქ უფრო უხდება ქალაქს.

აუცილებელია მტკვრის ფილტრაცია და ზედ კაფეების, რესტორნების, ტივების, ნავების და რაღაც ეგეთების გაკეთება (ისევ ამსტერდამის სტილში).

სათამაშო ბიზნესი ასევე უნდა მოშორდეს ქალაქს. ზოგადად სასურველია, თუ ქართულ ლას ვეგასს გავაკეთებთ სადმე რეგიონში (წყალტუბო კაი აზრია, მაგალითად).

უნდა მოისპოს მარშუტკები საბოლოოდ და უნდა შეიცვალოს ყვითელი ავტობუსები ადამიანური ავტობუსებით. უნდა მოისპოს ასევე არალიცენზირებული ტაქსები. იდეაში, ტრამვაიც მაგრად გაასწორებს, სადაც ამის შესაძლებლობა იქნება.

რესტორნები დარჩეს იქ, სადაც არის: დიღმის ტრასაზე. ეგ ტრასა ტურისტულ ამბავში მაინც ნაკლებად მნიშვნელოვანია.

მაქსიმალურად ხშირად უნდა მოეწყოს ხოლმე ფესტივალები და მსგავსი მერაპრიაწიები, როგორც ქართულ/ეროვნული, ისე უცხოურ/პოპულარული.

ქალაქის ცენტრი უნდა განთავისუფლდეს მაღალი კორპუსებისგან და დანგრეული სახლებისგან. სანაცვლოდ უნდა ჩადგეს პატარა და ლამაზი სახლები (მაქს. 3 სართული). ყველა სხვა დანარჩენი მოსახლეობა უნდა დაკმაყოფილდეს ბინებით გარეუბნებში (გლდანი, თემქა, ვარკეთილი, სამგორი და ა. შ.).

სასურველია, რომ თსუ და გეპეი გადავიდნენ ასევე ქალაქგარეთ (სადღაც ლისის ტბის მაგვარ ადგილზე). ოღონდ აქ უეჭველი იგულისხმება, რომ ამ უნივერსიტეტებს კამპუსებიც უნდა ჰქონდეთ შესაბამისი.

გარეუბნები ზოგადად უნდა გახდეს საცხოვრებლად ძალიან მიმზიდველი. ეს გაანთავისუფლებს ცენტრს სხვა მიზნებისთვის. ასევე სასურველია, თუ გარკვეული ტიპის ფირმები/კომპანიები/ბიზნესები გადავლენ გარეუბნებში (მაგ. ელიავას ბაზრობა, ოღონდ ცივილიზებული სახით და არა ისე, როგორც ეხლა გამოიყურება). აქვე უნდა იყოს ჰიპერმარკეტები და შოპინგ მოლები.

ვობშემ, მოკლედ რომ ვთქვა, თბილისს აქვს იმის პოტენციალი, რომ გახდეს ევრაზიის ერთ-ერთი ტურისტული ცენტრი. ზემოთ რაც ჩამოვთვალე, ამას გავაკეთებდი მე, საშუალება რომ მქონდეს. რა თქმა უნდა, ეს მხოლოდ დეტალებია და რაღაცეები შეიძლება დაემატოს, გამოაკლდეს ან/და შეიცვალოს, მარა იდეა მგონი გასაგებად ჩამოვაყალიბე.

Advertisement